تازيون خبرون
Today's News Paper
Share Now :
Other Pages
Moomal International
Moomal National
Moomal Sports
Moomal showbiz
پاڪستان ۽ ترڪيه وچ ۾ 24 معاهدن تي صحيحون،پاڪستان اسان جو ٻيو گهر آهي:ترڪ صدر
اسلام آباد( بيورو) ترڪ صدر رجب طيب اردگان چيو آهي ته دهشتگردي خلاف ويڙهه ۽ ڪشمير مسئلي جي حل لاءِ پاڪستان جي ڪوششن جي مڪمل حمايت ڪريون ٿا. اسلام آباد ۾ مختلف معاهدن ۽ يادداشتن تي صحيحون ڪرڻ واري تقريب دوران خطاب ڪندي هن چيو ته پاڪستان اسان جو ٻيو گهر آهي، قائداعظم محمد علي جناح ۽ علامه اقبال اسان جا به هيرو آهن. ترڪ صدر ٻڌايو ته پاڪستان ۽ ترڪيه وچ ۾ 24 معاهدن ۽ مفاهمتي يادداشتن تي اتفاق ٿيو آهي. هن چيو ته صدر آصف علي زرداري سان ملاقات دوران واپاري معاملن تي ڳالهيون ٿيون، جڏهن ته ترڪيه پنهنجي سيڙپڪارن کي پاڪستان ۾ سيڙپڪاري جي ترغيب ڏئي رهيو آهي. سندس چوڻ هو ته ٻنهي ملڪن وچ ۾ پنج ارب ڊالرز جي تجارتي معاهدي تي ڳالهيون ٿيون، جڏهن ته دفاعي پيداوار جي شعبن ۾ سهڪار وڌائڻ تي به اتفاق ٿيو. رجب طيب اردگان وزيراعظم شهباز شريف جو شڪريو ادا ڪندي چيو ته هو ترڪيه جي زلزلي سبب متاثر علائقن جو دورو ڪرڻ آيو، جيڪو ٻنهي ملڪن جي ويجهن لاڳاپن جو ثبوت آهي. هن وڌيڪ چيو ته ترڪيه جي معارف فائونڊيشن جا اسڪول پاڪستان جي تعليمي شعبي ۾ اهم ڪردار ادا ڪندا، جڏهن ته قبرص واري معاملي تي پاڪستان جي حمايت اسان لاءِ تمام گهڻي اهميت رکي ٿي. اردگان جو چوڻ هو ته دنيا جي هر فورم تي پاڪستان سان گڏجي فلسطين لاءِ آواز بلند ڪيو، فلسطيني عوام جي مدد اسان جو اخلاقي فرض آهي ۽ آزاد فلسطيني رياست جي قيام لاءِ گڏجي ڪوششون جاري رکنداسين.
چيمپيئنز ٽرافيجون ڪراچيءَ ۾ ميچون، ٽريفڪ پلان جاري
ڪراچي (ويب ڊيسڪ) ڪراچي پوليس نيشنل اسٽيڊيم ۾ شيڊيول چيمپيئنز ٽرافي ميچن لاءِ ٽريفڪ پلان جاري ڪري ڇڏيو. ٽريفڪ پوليس موجب، ڪراچيءَ ۾ چيمپيئنز ٽرافي جون ميچون 19 کان 21 فيبروري ۽ پهرين مارچ تي کيڏيون وينديون، جنهن دوران سر شاهه سليمان روڊ ٽريفڪ لاءِ کليل رهندو. پارڪنگ لاءِ ڪارساز کان ايندڙ شوقين نيشنل ڪوچنگ سينٽر ۽ چائنا گرائونڊ ۾ گاڏيون پارڪ ڪري سگهندا. ملينيم مال ۽ نيو ٽائون کان ايندڙ به ساڳين پارڪنگ هنڌن تي گاڏيون پارڪ ڪندا.
مشهور ڪرڪيٽر پاران 12 سالن تائين قائم رهندڙ شاديءَ جي خاتمي جو اعلان
ڪيپ ٽائون (اسپورٽس نيوز) اڳوڻي ڏکڻ آفريڪي ڪرڪيٽر جي پي ڊومني ۽ سندس گهرواري 12 ورهين تائين قائم رهندڙ شاديءَ جي خاتمي جو اعلان ڪري ڇڏيو.پرڏيهي ميڊيا رپورٽس موجب، جي پي ڊومني ۽ سندس گهرواري طلاق بابت سوشل ميڊيا تي گڏيل پوسٽ ذريعي مداحن کي آگاهه ڪيو، ٻنهي جي وچ ۾ ڊگهي عرصي کان لاڳاپا خراب هئا، جنهن سبب جوڙي عليحدگي جو فيصلو ڪيو.ٻنهي جي شادي 12 ورهين تائين قائم رهي ۽ جوڙي کي ٻن نياڻين جو اولاد پڻ آهي.ڊومني ۽ سندس گهرواري پوسٽ ۾ لکيو ته گهڻي سوچ ويچار کانپوءِ هنن ڌار ٿيڻ جو فيصلو ڪيو، شادي جون ڪيئي خوبصورت يادون ۽ ٻن پيارين نياڻين جو اولاد آهي.هنن مداحن کان اپيل ڪئي ته هن نازڪ وقت ۾ سندن پرائيويسي جو خيال رکيو وڃي.ياد رهي ته جي پي ڊومني عالمي ڪرڪيٽ تان رٽائر ٿي چڪو آهي، هن ڏکن آفريڪي ٽيم لاءِ 46 ٽيسٽ، 199 ون ڊي ۽ 81 ٽي ٽوئنٽي ميچن ۾ حصو ورتو.
شاديءَ کان اڳ هڪ هم جنس پرست ڇوڪريءَ مون تي فدا ٿي هئي: پريانڪا چوپڙا
ممبئي (شوبز نيوز) بالي ووڊ جي ناليواري اداڪارا پريانڪا چوپڙا انڪشاف ڪيو آهي ته شادي کان اڳ هڪ هم جنس پرست ڇوڪري مون تي فدا ٿي وئي هئي.پريانڪا چوپڙا نه رڳو بالي ووڊ پر هالي ووڊ ۾ به پنهنجي ڪم سبب شهرت رکي ٿي ۽ نڪ جونس سان شادي کانپوءِ هوءَ عالمي سطح تي شوبز شخصيتن ۾ سڃاتي ويندي آهي.خوبصورتي ۽ دلڪش ادائن سبب پريانڪا چوپڙا تي مرد ته عاشق هئا ئي پر هڪ خوبصورت هم جنس پرست ڇوڪري به پريانڪا چوپڙا تي فدا ٿي وئي هئي.اهڙو انڪشاف پريانڪا چوڙا ٽي وي شو ”ڪافي ود ڪرن“ ۾ ڪيو، جنهن ۾ هوءَ اداڪارا دپيڪا پڊڪون سان گڏ شريڪ ٿي.شو جي ميزبان ڪرن جوهر طرفان پڇيل سوال ته ڇا توهان جو ڪنهن هم جنس پرست عورت سان واسطو رهيو؟ تي جواب ڏيندي پريانڪا چوپڙا چيو ته نه رڳو اهو پر وڏي ڏکيائي سان ان مان جان ڇڏائڻي پئي.اداڪارا تفصيل ٻڌائيندي چيو ته اهو واقعو ڪجهه سال اڳ هڪ نائيٽ ڪلب ۾ پيش آيو، اها ڇوڪري ڏاڍي سُهڻي هئي ۽ هن منهنجي تعريف ڪندي ڪجهه وقت گڏ گذارڻ جي آڇ ڪئي هئي.پريانڪا چيو ته ان وقت مون کي ڪجهه سمجهه ۾ نه آيو ته ڪهڙو جواب ڏيان پر پوءِ مان ان کي چيو ته منهنجو بواءِ فرينڊ آهي ۽ مان ڇوڪرن کي ئي ترجيح ڏيندي آهيان.
Editorials :::: ساٿ هلندو رهي،لاٽ ٻرندي رهي
Reach Your Target Audience with Daily Moomal Karachi!
Are you looking for an effective way to promote your products or services to the Sindhi-speaking community in Sindh?
Look no further than Daily Moomal Karachi!
As a leading Sindhi newspaper published from Karachi and distributed all over Sindh, Daily Moomal Karachi offers a unique opportunity to reach your target audience.
Why Advertise with Us
* Wide circulation: Our newspaper is distributed throughout Sindh, ensuring maximum visibility for your ads.
* Targeted audience: Reach the Sindhi-speaking community, including potential customers and clients.
* Cost-effective: Our advertising rates are competitive and offer great value for your marketing budget.
Advertise with Us Today!
Contact us to learn more about our advertising options and rates.
Phone: 03131189598
Email: moomalkhi@yahoo.com
www.dailymoomal.com
Don’t miss out on this opportunity to reach your target audience!
