پشپا بالي ووڊ کي جُهڪائي ڇڏيو، فلم رليز کان اڳ ڪيئي رڪارڊ چٽ ڪري ڇڏيا

چنائي(شوبز نيوز)ڏکڻ ڀارتي فلم انڊسٽري جي سپر اسٽار الو ارجن جي فلم ” پشپا ٽو “ رليز کان اڳ ئي بالي ووڊ بادشاهه شاهه رخ خان جي فلم ” پٺاڻ “ جو رڪارڊ ٽوڙي ڇڏيو.الو ارجن ۽ رشميڪا مندنا جي فلم پشپا ٽو پنج ڊسمبر تي سموري دنيا جي سئنما گهرن ۾ رليز ڪئي ويندي، جڏهن ته فلم رليز کان اڳ کي بالي ووڊ جي فلمن کي مات ڏئي ڇڏي آهي.پرڏيهي ميڊيا رپورٽس موجب، پشپا ٽو جي رليز کان اڳ اڳواٽ بُڪنگ جي صورت ۾ ڪروڙين ڀارتي رُپيا ڪمائي ورتا آهن، رڳو 12 ڪلاڪن اندر فلم جون 3 لک ٽڪيٽون وڪرو ٿيون.رپورٽس ۾ ڄاڻايو ويو آهي ته پشپا ايڊوانس ٽڪيٽس بُڪنگ جي مد ۾ ٻارنهن ڪروڙ ڀارتي رپيا ڪمائي ورتا آهن، جنهن ۾ هندي ٻوليءَ ۾ ڊب ٿيل فلم ذريعي 5.5 ڪروڙ ڀارتي رپيا ۽ ٻين ٻولين مان 4.5 ڪروڙ ڀارتي رپيا ڪمايا آهن.رپورٽس موجب، پشپا ٽو ايڊوانس بُڪنگ ۾ شاهه رخ خان جي فلم پٺاڻ کي پوئتي ڇڏي ڏنو آهي، گذريل سال رليز ٿيل پٺاڻ فلم جون هڪ ڏينهن ۾ ٻه لک ٽڪيٽون وڪرون ٿيون هيون.ان کانسواءِ پشپا ٽو ” ڪي جي ايف ٽو“ کان به رليز کان اڳ ڪمائي ۾ گوءِ کڻي ويئي آهي.